gototopgototop
  1. Skip to Menu
  2. Skip to Content
  3. Skip to Footer>
Written by  Администратор 22 July 2011 Published in Тоштер нерген

Калык арвер сымыктыш пöрт-тоштер

Rate this item
(1 Vote)

424000, Йошкар-Ола, Чернышевский урем 23-шо пöрт
телефон 94-68-70

Калык арвер сымыктыш пöрт-тоштер – Т. Евсеев лÿмеш национальный тоштерын филиалже. Тудо 20-о курым тÿҥалтыште чоҥымо земский управын подрядчикше Павел Дмитриевич Лохановын пу пöртыштö верланен. Тÿрлö жапыште тыште кидмастар школ, калык да салтак депутат-влакын советше, квартир-влак верланеныт.

Калык арвер сымыктыш пöрт-тоштер 5 ноябрь 1999 –ше ийыште почылтын. Тоштер почмаште Марий Эл Республикын Государственный Собранийын Председательже Юрий Александрович Минаков, Марий Эл республикын тÿвыра, печать да калык-влакын пашашт шотышто министр Михаил Зиновьевич Васютин, тÿвыра, шанче, сымыктыш пашаеҥ-влак лийыныт.

Филиалым почмаште инициатор Т. Евсеев лÿмеш национальный тоштерын директоржо Мария Байрамовна Матукова лийын. Кугу пашам ыштымек, 4 декабрь 1985 ийысе решений почеш, Чернышевский уремысе 23-шо пачерым тоштерлан пуаш келшыме. Ачалыме, реставраций паша деч вара директорын шанче паша шотышто алмаштышыже Большова Надежда Александровна ден художник Игорь Иванов экспозиций ыштымаш пашам тÿҥалыныт: «Марий калыкын тÿвыра да арвер поянлыкше».

Тоштер экспозицийын тÿҥжылан 19 курым мучаш-20 курым тÿҥалтышысе арвер сымыктыш коллекций налме. Кугу верым тыгак шке куымо вынер солык, скатерть-влак налын шогеныт.

18 май 2004 ийыште тÿнямбал тоштер-влак кечын Калык арвер сымыктыш пöрт-тоштерыш Марий Эл республикын президентше Л.И. Маркелов толын. Тыште республикыште илыше тÿрлö калык тÿвырам аралымаш да шуарымаш йодыш-влакым лончыленыт. Уна-влак коклаште Венгр республикын посолжо Ференц Контра, кугыжаныш кучем еҥ-влак лийыныт.

Кызытсе жапыште тоштерыште йоча-влаклан тÿрлö программе-влак эртаралтыт, сÿретче, мастар-влакын ончерышт, вашлиймашышт эртат.

Image Gallery

Login to post comments

Мероприятия, посвященные

Ваше мнение

Какая из коллекций музея привлекает и интересует больше всего?

 

 

 

 

  Results

« December 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Тыланымаш

Мемнан йолташ-влак

Музеи России


Афиша Выставок



Министерство культуры, печати и по делам национальностей РМЭ


Интернет-портал Республки Марий Эл

Онлайн

We have 297 guests online
joomla